Datenautobahn

Lieber e langi Leitig als en churze Draht. D'Leitig, die hämmer, die isch scho parat. Hingäge de Draht, de isch nüme de bescht. Er verlürt denn au bime grössere Tescht. D'Experte sind einig und säged, das gäng uf d'Längi mit sovill verschiedene Sträng

Drucken
Teilen

Lieber e langi Leitig als en churze Draht.

D'Leitig, die hämmer, die isch scho parat.

Hingäge de Draht, de isch nüme de bescht.

Er verlürt denn au bime grössere Tescht.

D'Experte sind einig und säged, das gäng

uf d'Längi mit sovill verschiedene Sträng

nöd guet, me mües neu verdrahte.

Für die Wahnsinnsmengi vo verschiedene Date

segis jetzt Ziit fürs Glasfaserkabel.

Das seg im Moment zwar no nöd rentabel.

Doch mit gnauer und suuberer Planig

mit Hilf vo Lüüt, wo sehr wohl e Ahnig

händ und wüssed, vo was dass sie redet

und permanent prüefet, öb s'Kabel verhebet.

Gseht me ächt dur die Fasere dure,

am Telefon zwee, wo zäme tüend schnurre?

Oder isch das e total e trüebi Sach,

demit me nöd gsäch, wenn ein Fehler mach?

Wie chan me ächt zwiefelsfrei garantiere,

dass me würkli nöd chöni veriere

und zwei falschi Ende zämebinde,

ohni dass Date ganz eifach verschwinde?

Vo de Hängebrugg zur Autobahn,

s'Glasfaserkabel isch de Wahn.

De Gallestei

Der Flawiler Autor und Kolumnist Rolf Bollinger schreibt jeden

Freitag in der Grossauflage der Wiler Zeitung.