Broccoli & Co.

Gmües, öb Winter oder Summer, macht de Huusfrau öppe Chummer, ihri Gescht sind gschnäderfräässig, und Applaus isch ehner mässig. Gmües, guet kochet, eifach so, macht recht selte d'Chinde froh. Uf Spinat wänds gern verzichte;

Drucken
Teilen

Gmües, öb Winter oder Summer,

macht de Huusfrau öppe Chummer,

ihri Gescht sind gschnäderfräässig,

und Applaus isch ehner mässig.

Gmües, guet kochet, eifach so,

macht recht selte d'Chinde froh.

Uf Spinat wänds gern verzichte;

Jesses nei, da gits ja Gschichte!

Gmües müend d'Säugling au scho ha.

Debi würds durchuus ohni gah.

Und statt länger z'diskutiere,

tüends doch eifach refüsiere.

Gmües ässi me am Beschte roh.

Bi dem Satz dänk ich grad an Zoo

und gseh, wie d'Viecher sich tüend freue.

Die seled fröhlich wiederchäue!

Gmües seg am Beschte us de Büchs.

Alles ander seg für d'Füchs

De Eltischt, wo in Bern studiert,

hätt d'Familie provoziert.

Gmües, das isch doch s'A und s'O.

D'Karin isch überzügt devo,

nu d'Vegetarier machets richtig,

ohni Fleisch, das segi wichtig.

Gmües, wott nöd magsch, s'chas schomal gäh,

muesch irgendwie gliich zue der näh.

De Schnuuf aahebe, vill Wasser dezue,

en rechte Schluck, und du häsch Rueh.

Gmües bringsch eso guet um de Egge.

Wie de Blitz und schlegelawegge.

So isch denn nu no ei Gfahr wichtig:

Die vonere Chlorophyllvergiftig!

De Gallestei

Der Flawiler Autor und Kolumnist Rolf Bollinger schreibt jeden Tag in der

Grossauflage der Wiler Zeitung.

Aktuelle Nachrichten