Höltschet

Im Herbscht hepme de Türgge gholt vom Riet, vo Hand uusproche und di Foeder mit em Fuerwerch hoa transportiert. D Froue hond d Stube n uusgrummt und denn hepme di ganz Laadig vo Türggechölbe mit de Zoane i d Stube ietroat.

Merken
Drucken
Teilen

Im Herbscht hepme de Türgge gholt vom Riet, vo Hand uusproche und di Foeder mit em Fuerwerch hoa transportiert. D Froue hond d Stube n uusgrummt und denn hepme di ganz Laadig vo Türggechölbe mit de Zoane i d Stube ietroat. A mengem Oort hets bis mindischtens uf di halb Fenschterhöechi Hüüffe ka, di ganz Stube voll, das es no no Platz ka het für n en Bangg oder en Harass zum Druufhogge, das me het chönne Chölbe uushöltsche. Noochpuure und Helfer sind zur Mitärbet iigglaade woorde. S ischt gsellig und gmüetlig gse, me het gsunge, verzellt und vill glachet. Me het vorzue Bletter aabgrupft, bis uf zwoa bis vier Bletter und die denn omme zämmegknüpft. Di grichtete Chölbe hepme i Zoane toa und d Maane hons i d Obertiili uitroat, wo si vo andere vorzue zum Trüchne uufghenggt woorde sind. D Obertiilene sind mit so Holzliischtene oder Trööt uusgrüschtet gse, das me di Chölbe het chönne uufhengge. Das isch denn en ganze Jooresvorroot gse. Im Louf vom Joor hepme di Chölbe äiggnoo, abgriblet und uf Sennwald i d Müüli proocht. De Müller het denn das Türggemeel wider vertoalt; jede het sis oage Meel zrugg überchoo. De Türgge hepme o als Hennefoetter pruucht; früener hond fascht all Lütt Henne ums Huus ommi kaa.