Vielen Dank für Ihre Registrierung. Sie haben den Aktivierungslink für Ihr Benutzerkonto per E-Mail erhalten.

Vielen Dank für Ihre Anmeldung.

Vielen Dank für Ihre Bestellung. Wir wünschen Ihnen viel Spass beim Lesen.

Gschichtli vus Schinelimachers Buebe

D Huusmuus
Ernst Hofmänner

D Huusmuus

S Schinelimachers z Tuerig henn sit längerer Zit im Cheller e n aalti Huusmuus gchaa. Entlig henn se si vertwütscht, un anschtatt dass si d Muus am Chääs un annere Delikatesse het chönne güetlig toe, isch si innere Gitterfalle gfange gsii. Si sinn röötig worde, das me die schtroolig Muus versööffe sött. «Nüüt isch», het dr Hans zum jüngere Jörgli gmeint, «die Muus wört erschosse mit em Flobert». Esoe het dr Jörgli d Muus am Schwanz in d Höechi ghebt, dr Hans het mit em Flobert ziilet – en Tusch – d Muus ischt uuni Schwanz im Cheller verschwune und r Jörgli verdatteret mit em Schwanz in dr Hand doogschtane. D Muus sei schpööter an Aaltersschwechi ums Leebe chuu.

Die verflixt Fröndschprooch

S Schinelimachers Buebe sinn ötsche n emol bi me ne Verwante im Züüri Ooberlann für ne par Tääg i dr Feeri ggsii, und jedes Mool, wenn si häichuu seien, heegen si mit em Züritütsch welle bralle. Emool heg dr Hans, chum das er us dr Feeri zrugg chuu sei, em Ooberis Chrischtli müese helfe määje im Runggelätsch (bei St. Ulrich). Doe ischt er mit siner Seegis i ne Wäschpinescht ggroote. Tonnerwetter, doe het er t Aarme verworfe n unn d Seegis oo, het wi wild umenanner ggfuchtlet un ggläschteret wi en Roerschpatz: «Söichäibe, Söichäibe, Söichäibe!», aber alls het nüüt gnützt. Er het t Wäschpi abggweert un isch dervuu gschprunge. Uf eimool isch em wider z Sinn chuu, das er o no e Mueterschprooch heg, un er het aagfange flueche: «Ir verfluechte, verdante Chööge!» Aber t Wäschpi heegen o dr Sevler Tialeggt nid verschtanne.

Der Seveler Heimatdichter Ernst Hofmänner (1916–2005) gab 1996 die Schrift «Vu allergattiga Lüt» mit Geschichten und Episoden aus der Region heraus. Mundart-Orthographie überarbeitet durch Hans Stricker.

Merkliste

Hier speichern Sie interessante Artikel, um sie später zu lesen.

  • Legen Sie Ihr persönliches Archiv an.
  • Finden Sie gespeicherte Artikel schnell und einfach.
  • Lesen Sie Ihre Artikel auf allen Geräten.