St.Galler Schnitzelbänkler in Hochform: Der Virus, der Wolf und ein Wahlwunder

Sie sind das Salz in der St.Galler Fasnachtssuppe. Kein Wunder, zogen die Schnitzelbänkler und ihre Verse auch in diesem Jahr wieder viel Publikum an. Zum Fasnachtsende eine Auswahl ihrer Verse.

Reto Voneschen
Drucken
Teilen
Am Fasnachtsmontag treffen sich jeweils die Schnitzelbänkler zum internen Anlass im «National». Im Bild der Wadebiesser in Aktion.

Am Fasnachtsmontag treffen sich jeweils die Schnitzelbänkler zum internen Anlass im «National». Im Bild der Wadebiesser in Aktion.

Bild: Benjamin Manser (24.2.2020)
  • Häsch du Corona? Bisch so bleich!
            Nur kei Panik! Schnorr kei Seich!
    Und glich isch Schluss mit Schnitzelbank,
            will: Ich bi vermuetlich chrank.
    Häsch du Glück, Mann, da muesch gnüsse.
            Wärsch en Wolf, würed’s scho schüsse.                          Alliglattohre
  • CVP loht ihri Wähler befroge:
              S’C ganz wegloh, chömmer da woge?
    Alli Wähler hend mitgmacht
              und chasch glich nüt säge:
    De eint isch defür und de ander degäge.                                 Zwei Räppler
  • D’Experte, die zerbreched sich scho ewigslang de Grind:
              «Wie kam denn die Maria bloss zu ihrem Kind?»
    Sie seit, sie seg es eifachs Gmüet und wössi nöd wieso.
              Sie heg jo gar nünt bsonders gmacht, jetzt segis halt eso.
    Au d’Ostschwiiz hät es Unschuldswunder, wo d’Fachwelt irritiert:
    Bi de Wahl vom Thomas Brunner
    isch gnau s’gliich passiert!                                                                Fadegrad
  • Wie mer bi de Raiffise e halbi Chiste kassiert.
              Mit Abzocke Zehntuusig Stutz Buess riskiert.
    D Studente chönd sich das a de Uni la zeige.
              Ob‘s Gauner wänd werde,
              müend‘s selber entscheide.                                     Narr vo Sanggalle
Gallomisto am Gossauer Drachenfest.

Gallomisto am Gossauer Drachenfest.

Bild: Urs Bucher (20.2.2020')
  • De Trump sait zum Xi: Listen, entweder du oder i!
              Wänn mi frogsch wär’s klar, sie:
              Em liebschte beidi – und das gli.                                        Gallomisto
  • Es isch de Basler Forscher glunge,
    e Ghaimniss z’entschlüssle:
              Me derf ganz offiziell über d’Zircher rüssle.
    Statistiquement prouvé, i waiss, das git e riiiise Gschrei,
              jede vierti Zircher isch genau so bled
              wie die andere drei.                                                Louis de Saint-Gall
Natürlich als Duo unterwegs: Die Zwei Räppler am Gossauer Drachenfest.

Natürlich als Duo unterwegs: Die Zwei Räppler am Gossauer Drachenfest.

Bild: Urs Bucher (20.2.2020)
  • Letschti am Bahnhof do ghöri e Durchsag:
              «Gleis drü bitte zruggträte, Zugsdurchfahrt!»
    Do wird an Maa uf em Perron verruckt:
              «I bi dä Rechsteiner Paul, i trät sicher nöd zrugg!»  Zwei Räppler
  • Für d’Fahrt vo Heide nach San Galle
    müend d’Passagier zwänzgtuusig Franke zahle.
              Das sind kei Zocker!
    Kalkuliert isch die Sach
    vom Anwaltsbüro Patrick Stach.                                                   Tatü-Tato
  • Jegersli Nei: Crypto
    Im Grund gno findet mer eso’n es Räderwerk genial.
              So Walze und so Schrübli  funktioniered optimal.
    De Koller und de Villiger sind au mechanisch druff,
              wenn’s do mol echli lotteret, get’s i de Schwiz es Puff.

    Jegersli Nei, da isch domm glaufe.
              Jegersli Nei, scho lang passiert.
    Si mönd för d’Amherd kai so Grätli extra chaufe,
             denn wenn diä schwätzt,
             isch automatisch alls chiffriert.                                             Gallyriker
Der Narr vo Sangalle.

Der Narr vo Sangalle.

Bild: Benjamin Manser (24.2.2020)
  • Ä Frau tuet vo Sozialhilf läbe,
              bald scho cha sie es Erbe erwärbe.
    Zwei Millione, sie freut sich juhei.
              Sie goht zom Patrick id Kanzlei.
    De will för sich es fetts Honorar:
              400'000 klipp und klar.                                                     Wadebiesser
  • D’Angela Merkel hät, noch all dene Johre,
              so ziemlich alli Fans verlore.
    Gschlosse hinder ihre stoht – immerhin.
              Nu no de Flughafe vo Berlin.                                           Zwei Räppler
  • Forscher händ per Teleskop
    e schwarzes Loch entdeckt.
              Uf de Foti gseht me da jetzt absolut perfekt.
    S’gliich Fotisujet hett mer nöcher
    mit wenig Ufwand chönne gseh:
              Z’Sanggale gits vor luuter Löcher
              jo fascht kei ganzi Strosse meh!                                           Fadegrad
  • Bim Marktplatz, die Parkplätz,
    sind kè Parkplätz me.
              Und d’Stadt well demnächst au na dure ge,
              wie mer als Fahrer echt usefind,
    dass die Parkplätz kè Parkplätz me sind.                      Narr vo Sanggalle
  • Mini Baiz, Dini Baiz
    Dr Röschti sait – ganz ooni z’gnaisse:
              S’wär scheen, wenn mi Nochfolger
    Gschwellti wurd haisse.                                                  Louis de Saint-Gall
  • Es Meitli seit fruschtriert zom Bappe:
              «I hass di doof grüe Schuelschwimmchappe!»
    Z’eng seg si und de Chopf täg weh,
              si mög di grüe Farb nüme gseh.
    «Chind, muesch de Chopf nöd lampe loh,
              em Bürgerblock goht’s au eso.»                                            Fadegrad
Mehr zum Thema